Войцех Шесни "Барселона" футболчисига айланди.
34 ёшли дарвозабон эркин агент сифатида "Барселона" билан бир йиллик шартнома имзолади.
Август ойида фаолиятини якунлаганини эълон қилган “Ювентус”нинг собиқ дарвозабони каталонияликларнинг асосий дарвозабони Марк-Андре тер Штеген жароҳатидан сўнг футболга қайтишга қарор қилди.
Хабар қилинишича, Каталония клуби дарвозабонга йилига 3 миллион евро маош тўлайди.
Футболчи ўз навбатида "Ювентус"га 2 миллион евро тўлаши керак эди. Полякнинг собиқ клуби билан шартномасида агар у футболга қайтиш таклифини қабул қилса, товон пули кўзда тутилган.
