Ҳужумчи Килиан Мбаппе Франция терма жамоасига октябрь ойидаги йиғинга чақирилмади. Жамоа бош мураббийи Дидье Дешам бу борада фикр билдирди.
“Мен Килиан билан вазият ҳақида гаплашдим, у чоршанба куни захирадан майдонга тушганидан кейин ҳам вазият ноаниқ эди. Унинг шанба куни ўйини бор. Килианнинг муаммоси жиддий эмас, аммо тўғри тикланиши учун даволаниш керак. Мен бу ерга таваккал қилиш учун келганим йўқ. Шунинг учун Килиан рўйхатда йўқ", - деди Дешам журналистларга.
Килиан Мбаппе соғлиғи билан боғлиқ муаммолар туфайли “Атлетико”га қарши дербини ўтказиб юборган, аммо кейин Чемпионлар лигасида “Лилл”га қарши ўйнаганди.
