"Барселона" Френки де Йонгни янги йил олдидан яна шартнома имзолашини истамоқда.
Ярим ҳимоячи яқинда жароҳатидан тўлиқ фориғ бўлди ва клуб энди унинг 2026 йилда тугайдиган шартномасини узайтириш бўйича музокаралар олиб бориш ниятида. Раҳбарият футболчининг келажаги 2025 йил бошланишидан олдин аниқ бўлишини истайди, бу унинг шартномасини имзоламасдан якуний йилга киришига йўл қўймайди. Деку келишувга эришиш мумкинлигига умид қилмоқда, чунки барча томонлар буни хоҳлайди. Музокаралардаги муваффақият "Барселона"нинг мутлақ устувор йўналиши ва улар бунга яқин уч ой ичида эришиш мумкинлигига ишонишади.
Клубда қолиш истагини доимий равишда билдирган нидерландиялик футболчи шартнома борасида хотиржамликни сақлайди ва келажак ҳақида музокаралар олиб бориш учун вақт бор деб ҳисоблайди. Аввалроқ футболчига "Манчестер Юнайтед", "Челси", "Бавария" ва "ПСЖ" клублари қизиқиш билдирганди.
"Барселона" Усмон Дембеленинг ҳолати такрорланишини истамайди, чунки улар де Йонгни янги лойиҳасида кўришни хоҳлашади. Ханси Флик уни жуда муҳим ўйинчи деб билади ва яқин ҳафталарда ярим ҳимоячи жамоада ўйнашга қайтганида буни кўрсатишга тайёр.
