Милутин Осмайич Чемпионшип ўйинида Оуэн Бекни тишлагани учун жазоланди.
"Престон" ҳужумчиси "Блэкберн"да ижарада ўйнаётган "Ливерпуль" ҳимоячисини тишлагани учун саккиз ўйинга дисквалификация қилинди ва 15 минг фунт жаримага тортилди.
Ҳодиса 22 сентябрь куни Чемпионшипнинг 6-тури доирасидаги “Престон”нинг “Блэкберн”га (0:0) қарши ўйинида юз берган. Ушбу эпизодда ҳакам Осмайичга сариқ карточка кўрсатди ва ўйиндан сўнг ҳимоячида катта тишлаш изи борлиги маълум бўлди. Англия футбол ассоциацияси воқеа юзасидан суриштирув ишлари олиб борилаётганини маълум қилди.
Футболчининг жазоланишини эълон қилар экан, FA вакили шундай деди: "Ҳужумчи тахминан 87-дақиқада рақибни тишлаб зўравонлик қилганини тан олди".
