Россия терма жамоаси октябрь ойида Покистонга қарши ўртоқлик ўйини ўтказиши мумкин. Бироқ, Покистон томони шу ойда ўйиндан воз кечди.
Покистон терма жамоасининг медиа менежери ҳисобланган Муҳаммад Яшал музокаралар тафсилотлари ҳақида гапирди.
Яшалнинг хабарига кўра, РФИ 23 сентябрь куни ўртоқлик ўйини бўйича таклиф юборган. Бироқ вақт етишмагани учун покистонликлар рад жавобини беришди.
"Муайян тайёргарлик ишларини олиб бориш, жамоа ва мутасаддиларни йиғиш, логистика масалаларини ҳал қилиш зарурлигини инобатга олиб, Покистон футбол федерацияси ўйинни ноябрь ойига кўчиришни сўради", - дея Яшалдан иқтибос келтиради "РБ Спорт".
