"Барселона"дан Усмон Дембеленинг "ПСЖ"га трансфери учун 10 миллион евро талаб қилишмоқда.
Франция терма жамоаси вингери 2023 йилнинг ёзида 50 миллион евро эвазига "Барселона"дан "ПСЖ"га ўтган эди.
Scores Sports Management Ltd футбол агентлиги каталонияликлар устидан судга мурожаат қилиб, Дембеленинг "ПСЖ"га ўтишида воситачилик қилгани учун гонорар сифатида 10 миллион евро тўлашни талаб қилди. Даъво 2024 йил 18 июнда рўйхатга олинган.
"Барселона" бу даъвога рози эмас. Қайд этилишича, парижликлар Усмон учун товон пули сифатида 50 миллион евро тўлаган, бироқ футболчининг “Барселона” билан 2024 йилнинг ёзига қадар амал қиладиган шартномасида 25 миллион футболчининг вакили Мусса Сиссокога кетиши кўрсатилган эди.