"Монца" ярим ҳимоячиси Даниэль Мальдини "Интер"нинг нишонига айланди. "Милан" тарбияланувчиси ва "россонери" афсонасининг ўғли Паоло Мальдини жорий мавсумда ишончли ўйин кўрсатмоқда ва бу аллақачон Италия терма жамоаси бошқарувчиси Лучано Спалеттининг эътиборини тортди.
Журналист Паскуале Гуарронинг хабар беришича, 22 ёшли ҳужумкор ярим ҳимоячига "Интер" ҳақиқатдан ҳам қизиқиш билдирмоқда, аммо ҳозирча аниқ маълумотлар йўқ ва ҳали музокаралар режалаштирилмаган.
Даниэль Мальдини ўтган ёзда эркин агент сифатида "Милан"дан "Монца"га ўтган эди. Жорий А Сериянинг еттита учрашувида футболчи битта гол урди ва битта голли узатмани амалга оширди.
