«Атлетико Мадрид» бош мураббийи Диего Симеоне Ла Лигадаги рақобат ҳақида гапирди.
«Матрасчилар» ҳар йили «Реал» ва «Барселона»дан кейин чемпионлик учун учинчи даъвогар сифатида кўрилади. Симеоне жамоасининг чемпионатдаги сўнгги ғалабаси 2020/21 йилги мавсумга тўғри келади.
«Учинчи бўлиш бизга маъқулми? Йўқ, бу мен учун етарли эмас, лекин бу ҳақиқат. Клубнинг мақсади - бу ердаги фаолиятимнинг олдинги 12 йилидаги каби ўсишда давом этиш ва ҳар мавсум охирида Чемпионлар лигасига йўл олиш.
Албатта, биз чемпионатда ғалаба қозонишни истаймиз, лекин биз Европанинг эҳтимол иккита энг яхши жамоасига қарши курашамиз, шунинг учун чемпионликни қўлга киритиш мақсади биз учун қийин», деди Симеоне "ESPN" нашрига.
