"Манчестер Юнайтед" ҳимоячиси Нуссаир Мазрауи юрагидан кичик жарроҳлик амалиётини ўтказди ва энди бир неча ҳафтага сафдан чиқди.
"Манчестер Юнайтед" икки ой олдин Мазрауни "Бавария"дан 17,1 миллион фунтга сотиб олганди. Нуссаир дарҳол ўзини Эрик Тен Хаг жамоасининг асосий ўйинчиси сифатида кўрсатди.
Мазрауи жорий мавсумда Премьер-лига ва Европа лигасидаги "Манчестер Юнайтед"нинг ҳар бир ўйинини бошлади, аммо "қизил иблислар" кейинги бир неча ҳафта давомида 26 ёшли марокашлик футболчисиз қолишади.
Sky Sports нашри хабарига кўра, Мазрауи юрак ритмининг бузилиши аниқланганидан кейин кичик жарроҳлик амалиётини ўтказган.
"Бу жуда кенг тарқалган ҳолат ва Нуссаир тўлиқ тузалиб, бир неча ҳафта ичида ўйнашга тайёр бўлиши кутилмоқда", - дейилади "Манчестер Юнайтед" баёнотида.
Қўшимча қиламизки, Мазрауи халқаро танаффус олдидан "Астон Вилла"га қарши ўйиннинг танаффусида алмаштирилган Гарри Магуайр, шунингдек, Лени Йоро, Люк Шок ва Тирелл Маласиа билан бирга шифохонада бўлади.
