"Барселона" Френки де Йонг жамоада қолишни исташига ишончи комил эмас.
Футболчининг Каталония клуби билан амалдаги шартномаси 2026 йилгача мўлжалланган. Mundo Deportivo нашри хабарига кўра, "кўк-анорранглилар" уни узайтирмоқчи, аммо футболчининг бу қадамга рози бўлишига ишончи йўқ. Педри, Гави ва Рональд Араухога келсак, бу борада "Барселона" оптимистикроқ.
Де Йонг 2023 йил охирида қилинган таклифга ҳали жавоб бермади. Агар ярим ҳимоячи буни қабул қилса, унинг даромади ҳозиргидан паст бўлади. Эслатиб ўтамиз, "Барселона" энди унга нафақат шартномада кўрсатилган маошни, балки коронавирус пандемиясидан қолган қарзини ҳам тўламоқда.
Агар Де Йонг келаси ёзгача янги шартнома имзоламаса, "Барселона" уни 2026 йилда текинга йўқотмаслик учун уни трансферга қўяди.
