«Манчестер Сити» 2023 йил бошида молиявий қоидаларни 115 марта бузганликда айбланган эди. Иш бўйича эшитувлар сентябрь ойида бошланган ва сўнгги йиллардаги Англия чемпиони яқин келажакда ҳукмни эшитади.
"The Athletic" хабарига кўра, «Манчестер Сити» иши бўйича қарор жорий календарь йили охиригача чиқарилиши кутилмоқда.
Агар клуб жиддий жазоланса, Пеп Гвардиоланинг «Манчестер Сити» бошқарувидан кетиб қолиш эҳтимоли юқори бўлиши ҳақида аввал хабар берган эдик. Испаниялик мутахассис 2016/2017 йилги мавсум бошидан буён жамоани бошқариб келмоқда.
«Манчестер Сити» олдинги олти мавсумнинг ҳар бирида Англия чемпиони бўлган.
