"Барселона" президенти Жоан Лапорта Чемпионлар лигасининг янгиланган форматидан мамнун эмас.

"Мен кўпроқ пул оламиз деб ўйладим. Аммо бизда фақат кўпроқ ўйинлар бўладиганга ўхшайди. Бу нуфузли турнир, лекин мен бироз бошқачароқ нарсани кутгандим. Жавоб ўйинлари гуруҳ босқичида йўқлиги бироз чалкашлик туғдиради.

Суперлига ҳар доимгидек жонли. Ҳаммаси тайёр. Лекин ҳаммасини футбол ташкилотлари билан келишиб олиш керак. "Барселона" шундай ташкилотлар ва Суперлига ўртасидаги боғловчига айланиши керак. Суперлигадан кўзланган мақсад клублар бундан фойда кўриши.

Формат жуда жозибали бўлади, лекин биринчи навбатда барча томонлар рози бўлиши керак.

Айтганча, УЕФА президенти Ханси Фликга мухлислик қилади. У мени ушбу тайинлов билан табриклади. Улар бир-бирини шахсан билишади" - деди Лапорта клуб каналига берган интервьюсида.