Кристоф Крамер Менхенгладбахнинг "Боруссия" клубида ўн йил ўйнади ва шу ёзда томонлар ўзаро келишувга кўра шартномани бекор қилишди. 2014 йилги жаҳон чемпиони ўзига янги клуб изламоқда ва у фаолиятини Туманли Альбионда давом эттириши мумкин.
Қайд этилишича, германиялик ярим ҳимоячи Чемпионшипда иштирок этадиган "Лидс"га ўтиши мумкин. Итан Ампаду ва Илья Груев тиззасидан жароҳат олган ва йил охиригача майдонга туша олмагани учун Даниэль Фаркега бу лавозимда футболчи керак. Кристоф Крамер ҳозирда "Лидс" билан машғулот ўтказмоқда, бироқ немис мураббийи 33 ёшли футболчи билан шартнома имзолаш борасида якуний қарорга келганича йўқ.
Эслатиб ўтамиз, "Боруссия"нинг собиқ ярим ҳимоячиси аввалги мавсум якунларига кўра барча турнирларда бор йўғи 16 та ўйин ўтказган.
