Kristof Kramer Menxengladbaxning "Borussiya" klubida o‘n yil o‘ynadi va shu yozda tomonlar o‘zaro kelishuvga ko‘ra shartnomani bekor qilishdi. 2014 yilgi jahon chempioni o‘ziga yangi klub izlamoqda va u faoliyatini Tumanli Albionda davom ettirishi mumkin.
Qayd etilishicha, germaniyalik yarim himoyachi Chempionshipda ishtirok etadigan "Lids"ga o‘tishi mumkin. Itan Ampadu va Ilya Gruyev tizzasidan jarohat olgan va yil oxirigacha maydonga tusha olmagani uchun Daniel Farkega bu lavozimda futbolchi kerak. Kristof Kramer hozirda "Lids" bilan mashg‘ulot o‘tkazmoqda, biroq nemis murabbiyi 33 yoshli futbolchi bilan shartnoma imzolash borasida yakuniy qarorga kelganicha yo‘q.
Eslatib o‘tamiz, "Borussiya"ning sobiq yarim himoyachisi avvalgi mavsum yakunlariga ko‘ra barcha turnirlarda bor yo‘g‘i 16 ta o‘yin o‘tkazgan.
