"Барселона" футболчилари масофа бўйича "Бавария"ни сезиларли даражада ортда қолдирди.
Кеча Чемпионлар лигаси умумий босқичи 3-туридан ўрин олган учрашув 4:1 ҳисобида "Барселона"нинг ғалабаси билан якунланди.
Ўйин давомида "Барселона" футболчилари жами 126,5 км масофани босиб ўтишди. "Бавария" футболчилари 7 километрдан кўпроқ кам югуришди - 119,2 км. "Бавария" билан 2020 йилда "Барселона" 2:8 ҳисобида мағлуб бўлган ушбу ўйинда Каталония жамоаси футболчилари бор-йўғи 98 километр масофани босиб ўтишганди.
"Барселона" футболчилари орасида Чемпионлар лигасининг дастлабки учта ўйинида энг узоқ масофани 21 ёшли ярим ҳимоячи Марк Касадо босиб ўтди - 35,6 км. Ушбу кўрсаткич бўйича иккинчи ўринни турнирнинг 3 учрашувида 32,7 км югурган ҳимоячи Жюль Кунде эгаллади.
