Хабарингиз бор, 2026-йилда Бутунжаҳон шахмат олимпиадаси Ўзбекистонда бўлиб ўтади.

FIDE Президенти Аркадий Дворкович бошчилигидаги делегация олимпиадага тайёргарлик жараёнларини кўздан кечириш мақсадида Тошкент шаҳридаги Олимпия шаҳарчасига ташриф буюрди.

Делегация ташриф давомида 46-Бутунжаҳон шахмат олимпиадасини ўтказиш бўйича мамлакатимизда олиб борилаётган ишлар, тайёргарлик ҳолати ҳамда шахматни ривожлантиришга қаратилган ислоҳотлар билан яқиндан танишди.

Маълумот учун, бу улкан мажмуа келгуси йил юртимизда бўлиб ўтадиган ёшлар ўртасида Осиё ва Параосиё ўйинлари учун қурилмоқда.

Мусобақалар Халқаро Олимпия қўмитаси томонидан тан олинган 29 та спорт тури бўйича ўтказилади.

Уларда қитъамизнинг 45 та давлатидан 3 мингдан зиёд спортчи иштирок этиши кутилмоқда.