"Ал-Аҳли" ҳужумчиси Айван Тоуни "Ан-Наср" футболчиси Криштиану Роналдудан кўпроқ гол ура оладими, деган саволга жавоб берди.
"Кўпроқ умид қиламан. Лекин ростини айтсам, мен ўзим билан рақобатлашаман. Мен бошқалар нима қилаётганини кузатмайман. Албатта, биз Роналду энг яхши футболчи эканлигини биламиз, лекин мен ўзимга эътибор қаратаман ва қўлимдан келганича ҳаракат қиламан", — деб Тоуни сўзларини келтирмоқда Talk Sport.
Ҳужумчи аллақачон 10та ўйинда майдонга тушиб, 4та гол урган ва иккита голли узатмани амалга оширган. Футболчининг клуб билан амалдаги шартномаси 2028 йилнинг июн ойи охиригача амал қилади.
