"Тоттенхэм"нинг собиқ ҳужумкор ярим ҳимоячиси Рафаел ван дер Варт "Манчестер Сити" ҳужумчиси Эрлинг Холандни "Спортинг" ҳужумчиси Виктор Дьёкерешга қиёслади.
"Бу гапимга қўшилмаслигингиз мумкин, лекин менимча, Дьёкереш Холанддан бироз яхшироқ. Албатта, Холанд ақл бовар қилмайдиган ўйинчи, аммо Дьёкерешда бошқа жиҳатлар бор", — дейди ван дер Варт.
Жорий мавсумда Холанд барча турнирларда 14 та учрашувда қатнашиб, 14 та гол урди. Ўз навбатида Дьёкереш барча мусобақаларда 16 та ўйин ўтказиб, 20 та гол урди ва 4 та голли узатмани амалга оширди.
