"Tottenxem"ning sobiq hujumkor yarim himoyachisi Rafayel van der Vart "Manchester Siti" hujumchisi Erling Xolandni "Sporting" hujumchisi Viktor Dyokereshga qiyosladi.
"Bu gapimga qo‘shilmasligingiz mumkin, lekin menimcha, Dyokeresh Xolanddan biroz yaxshiroq. Albatta, Xoland aql bovar qilmaydigan o‘yinchi, ammo Dyokereshda boshqa jihatlar bor", — deydi van der Vart.
Joriy mavsumda Xoland barcha turnirlarda 14 ta uchrashuvda qatnashib, 14 ta gol urdi. O‘z navbatida Dyokeresh barcha musobaqalarda 16 ta o‘yin o‘tkazib, 20 ta gol urdi va 4 ta golli uzatmani amalga oshirdi.
