Madridning «Real» klubi bosh murabbiyi lavozimiga qaytishi mumkin bo‘lgan portugaliyalik murabbiy Joze Mourinyo «Qirollik klubi» tarkibini kuchaytirish uchun bir nechta variantlarni ko‘rsatib o‘tdi. «Onda Cero» xabariga ko‘ra, «Special One» «qaymoqranglilar» rahbariyatidan bir nechta futbolchini sotib olishni so‘ragan.

Mourinyo «Santyago Bernabeu»ga «Chelsi» laterali Mark Kukurelyani, shuningdek, «Manchester Siti» himoyachisi Yoshko Gvardiol va «Arsenal» himoyachisi Rikardo Kalafyorini olib kelishni istamoqda.

Eslatib o‘tamiz, o‘tgan mavsumda portugaliyalik mutaxassis Lissabonning «Benfika» klubini boshqargan edi. Agar Florentino Peres bo‘lajak prezidentlik saylovlarida g‘alaba qozonsa, Joze Mourinyu «Real»ga bosh murabbiy etib tayinlanadi.