Мадриднинг «Реал» клуби бош мураббийи лавозимига қайтиши мумкин бўлган португалиялик мураббий Жозе Моуриньо «Қироллик клуби» таркибини кучайтириш учун бир нечта вариантларни кўрсатиб ўтди. «Onda Cero» хабарига кўра, «Special One» «қаймоқранглилар» раҳбариятидан бир нечта футболчини сотиб олишни сўраган.

Моуриньо «Сантьяго Бернабеу»га «Челси» латерали Марк Кукурельяни, шунингдек, «Манчестер Сити» ҳимоячиси Йошко Гвардиол ва «Арсенал» ҳимоячиси Рикардо Калафьорини олиб келишни истамоқда.

Эслатиб ўтамиз, ўтган мавсумда португалиялик мутахассис Лиссабоннинг «Бенфика» клубини бошқарган эди. Агар Флорентино Перес бўлажак президентлик сайловларида ғалаба қозонса, Жозе Моуринью «Реал»га бош мураббий этиб тайинланади.