«Chelsi»ning sobiq himoyachisi Jon Terri «Real» va «Chelsi»ning sobiq yarim himoyachisi Eden Azar bilan o‘ziga xos «blis» so‘rovnoma o‘tkazdi. Unda Azar turli futbolchilarni tanlash orqali o‘zining favoritlarini ma’lum qildi.
Xususan, Azar Lionel Messi va Krishtianu Ronaldu o‘rtasidagi bahsda argentinalik futbolchini tanladi.
«Men «Real»da o‘ynaganman, shuning uchun Messini tanlasam, meni o‘ldirishlari mumkin. Ammo tan olish kerak, menga Krishtianuga qaraganda Messining o‘yin uslubi ko‘proq yoqadi. Bu borada vaziyat 50 ga 50, lekin Messining maydondagi harakatlari menga yaqinroq», — dedi Azar.
Shuningdek, Azar Kevin de Bryuyneni o‘zidan, Jon Terrini esa Jozi Altidordan ustun qo‘ydi.
