«Челси»нинг собиқ ҳимоячиси Жон Терри «Реал» ва «Челси»нинг собиқ ярим ҳимоячиси Эден Азар билан ўзига хос «блиц» сўровнома ўтказди. Унда Азар турли футболчиларни танлаш орқали ўзининг фаворитларини маълум қилди.
Хусусан, Азар Лионель Месси ва Криштиану Роналду ўртасидаги баҳсда аргентиналик футболчини танлади.
«Мен «Реал»да ўйнаганман, шунинг учун Мессини танласам, мени ўлдиришлари мумкин. Аммо тан олиш керак, менга Криштиануга қараганда Мессининг ўйин услуби кўпроқ ёқади. Бу борада вазият 50 га 50, лекин Мессининг майдондаги ҳаракатлари менга яқинроқ», — деди Азар.
Шунингдек, Азар Кевин де Брюйнени ўзидан, Жон Террини эса Жози Алтидордан устун қўйди.
