«Chelsi» himoyachisi Mark Kukurelya ikki yo‘l orasida qoldi. La Liganing ikki grandi — «Real» va «Barselona» u bilan shartnoma imzolashni xohlamoqda.
Jurnalist Xorxe Pikonning ta’kidlashicha, dastlab Markga faqatgina «Barselona» qiziqayotgan edi. Biroq endilikda futbolchi uchun kechayotgan kurashga «Real» ham qo‘shildi. Madridliklar himoyachining narxini bilish maqsadida «Chelsi» klubiga allaqachon rasmiy so‘rov yuborishgan.
Qayd etilishicha, ayni damda chap qanot himoyachisi pozisiyasini kuchaytirish «Real» uchun birinchi darajali vazifa hisoblanmaydi. Ammo klub rahbariyati Alvaro Karreras, Ferlan Mendi yoki Fran Garsiyalarning hech biriga 100 foiz ishonch bildirmayapti. Shu sababli jamoa ushbu pozisiya uchun potensial yangi nomzodlarni ko‘rib chiqmoqda.
