«Челси» ҳимоячиси Марк Кукурелья икки йўл орасида қолди. Ла Лиганинг икки гранди — «Реал» ва «Барселона» у билан шартнома имзолашни хоҳламоқда.
Журналист Хорхе Пиконнинг таъкидлашича, дастлаб Маркга фақатгина «Барселона» қизиқаётган эди. Бироқ эндиликда футболчи учун кечаётган курашга «Реал» ҳам қўшилди. Мадридликлар ҳимоячининг нархини билиш мақсадида «Челси» клубига аллақачон расмий сўров юборишган.
Қайд этилишича, айни дамда чап қанот ҳимоячиси позициясини кучайтириш «Реал» учун биринчи даражали вазифа ҳисобланмайди. Аммо клуб раҳбарияти Альваро Каррерас, Ферлан Менди ёки Фран Гарсияларнинг ҳеч бирига 100 фоиз ишонч билдирмаяпти. Шу сабабли жамоа ушбу позиция учун потенциал янги номзодларни кўриб чиқмоқда.
