Анчелотти: «Реал» ёмон ҳимояланмоқда»

«Реал» бош мураббийи Карло Анчелотти «Милан»га қарши ўйиндан кеийн жамоасининг муаммолари ҳақида гапирди.

Мадридликлар Чемпионлар лигаси умумий босқичи 4-туридан ўрин олган ўз уйида мағлуб бўлди (1:3) ва 2022/23 йилги мавсумдан буён илк бор кетма-кет 2 та мағлубият аламини тотиб кўрди.

— Нимадандир ташвишланяпсизми?
— Биз хавотирланишимиз керак, чунки жамоа сўнгги ўйинларда яхши ўйнамаяпти. Бизга қитъятлилик етишмайди. Бу устида ишлашимиз керак.

— «Реал Мадрид» сўнгги учта ўйинда 9 та гол ўтказиб юборди...
– Гап шундаки, биз ёмон ҳимояланяпмиз, жамоа етарлича ихчам эмас. Биз жипслашган ҳолда тартиблироқ ўйнашимиз керак.

– Танаффусда сиз Вальверде ва Тчуаменини алмаштирдингиз. Уларда қандайдир муаммолар бормиди ёки бу тактик қарорми?
— Вальверде 100% тайёр эмас эди, унинг белида оғриқ бор эди. Кеча у одатдагидек машғулот ўтказди, лекин биринчи бўлимда оғриқ сезди ва биз уни алмаштиришга қарор қилдик.

— Тчуамени-чи? «Бернабеу»даги ҳуштак унга таъсир қилиши мумкинми?
— Эмоционал жиҳатдан — йўқ. Ҳозирги ҳолатимиз индивидуал муаммо эмас, жамоа муаммоси. Энди ўрнимиздан туриб, курашда давом этишимиз ва кейинги ўйинда ғалаба қозонишимиз керак.

— "Ливерпуль" ва "Аталанта"га қийин сафар ўйинлари кутиб турибди.
— Биз бугунги кун билан яшашимиз керак. Жамоамиз ўзининг энг яхши ўйинини кўрсатмаяпти — барча совринлар учун курашиш учун уни топишимиз керак».