«Real» bosh murabbiyi Karlo Anchelotti «Milan»ga qarshi o‘yindan keiyn jamoasining muammolari haqida gapirdi.

Madridliklar Chempionlar ligasi umumiy bosqichi 4-turidan o‘rin olgan o‘z uyida mag‘lub bo‘ldi (1:3) va 2022/23 yilgi mavsumdan buyon ilk bor ketma-ket 2 ta mag‘lubiyat alamini totib ko‘rdi.

— Nimadandir tashvishlanyapsizmi?
— Biz xavotirlanishimiz kerak, chunki jamoa so‘nggi o‘yinlarda yaxshi o‘ynamayapti. Bizga qit’yatlilik yetishmaydi. Bu ustida ishlashimiz kerak.

— «Real Madrid» so‘nggi uchta o‘yinda 9 ta gol o‘tkazib yubordi...
– Gap shundaki, biz yomon himoyalanyapmiz, jamoa yetarlicha ixcham emas. Biz jipslashgan holda tartibliroq o‘ynashimiz kerak.

– Tanaffusda siz Valverde va Tchuamenini almashtirdingiz. Ularda qandaydir muammolar bormidi yoki bu taktik qarormi?
— Valverde 100% tayyor emas edi, uning belida og‘riq bor edi. Kecha u odatdagidek mashg‘ulot o‘tkazdi, lekin birinchi bo‘limda og‘riq sezdi va biz uni almashtirishga qaror qildik.

— Tchuameni-chi? «Bernabeu»dagi hushtak unga ta’sir qilishi mumkinmi?
— Emosional jihatdan — yo‘q. Hozirgi holatimiz individual muammo emas, jamoa muammosi. Endi o‘rnimizdan turib, kurashda davom etishimiz va keyingi o‘yinda g‘alaba qozonishimiz kerak.

— "Liverpul" va "Atalanta"ga qiyin safar o‘yinlari kutib turibdi.
— Biz bugungi kun bilan yashashimiz kerak. Jamoamiz o‘zining eng yaxshi o‘yinini ko‘rsatmayapti — barcha sovrinlar uchun kurashish uchun uni topishimiz kerak».