Чемпионлар лигасининг умумий босқичида турнир масофасининг ярми ортда қолди. УEФА расмий сайтидаги статистик маълумотларга эътибор қаратсангиз, тўпга эгалик қилиш бўйича турнирнинг энг яхши жамоаси “Манчестер Сити” эканлигини кўришингиз мумкин.
Англия чемпионининг кўрсаткичи 69,3 фоизни ташкил этади. “Манчестер Сити”нинг ушбу рейтингнинг биринчи поғонасидаги ўрни ҳеч кимни ажаблантирмаса керак, чунки испаниялик мураббий Пеп Гвардиола ёндашувида тўп назорати доимо муҳим ўрин эгаллаган.
"Манчестер Сити" ҳозирда Чемпионлар лигаси турнир жадвалида 10-ўринда бормоқда, жамоа мумкин бўлган 12 очкодан 7 очко жамғарган.
