Килиан Мбаппе ноябрь ойидаги йиғин учун Франция терма жамоасига чақирув олмади.
Футболчи ва "уч ранглилар" бош мураббийи Дидье Дешам ўртасида жиддий таранглик юзага келгани ҳақида маълумот бор эди.
Айни пайтда нуфузли Goal портали журналист Ромаин Молинага таяниб хабар бермоқдаки, Килиан Мбаппенинг агенти ва онаси Файза Ламарининг француз ОАВдан ҳафсаласи пир бўлган.
Унинг фикрича, матбуот юлдуз футболчининг обрўсига путур етказиш ишларини олиб бормоқда. Натижада, Мбаппе ва унинг онаси "биз дунёга қаршимиз" деб таърифланган ёндашувни билдириб турибди.
