"Вест Хэм"нинг ҳужумкор ярим ҳимоячиси Муҳаммад Кудус Лондоннинг "Арсенал" клубининг трансфер мақсади ҳисобланади.

"Канонирлар"дан аввалроқ футболчига Саудия Арабистони чемпионати вакиллари ва "Ливерпуль" ҳам даъвогарлар қаторида бўлишган. Хабарларга кўра, "Арсенал" Кудус учун "Вест Хэм" талаб қиладиган 100 миллион еврони таклиф қилишга тайёр. 24 ёшли футболчининг ўзи ҳам еврокубокларда ўйнашни хоҳлайди, шунинг учун у трансферни талаб қилиши мумкин.

Муҳаммад Кудус жорий мавсум "болғачилар" сафида ўнта ўйинда иккита гол ва битта голли узатмани амалга оширди. Футболчининг Transfermarkt порталидаги қиймати 50 миллион еврони ташкил қилади.