"Ал-Иттифоқ" бош мураббийи Стивен Жеррард жамоа мураббий ёрдамчиси ва спорт директори кетишини эълон қилганидан сўнг кутилмаганда клубдаги қўллаб-қувватлашни йўқотди.
"Ал-Иттифоқ" мураббийи ёрдамчиси, 45 ёшли англиялик Дин Холден ва клуб спорт директори Марк Аллен 11 ноябрь, душанба куни раҳбарият билан бўлиб ўтган учрашувдан сўнг томонларнинг ўзаро келишувига кўра Саудия лойиҳасини тарк этишди.
Бироқ, Стивен Жеррард "Ал-Иттифоқ" бош мураббийлигидан бўшатилиши мумкинлиги ҳақидаги миш-мишларга қарамай, бош мураббий сифатида қолиши маълум.
Эслатиб ўтамиз, айни дамда Стивен Жеррард бошчилигидаги "Ал-Иттифоқ" Саудия Арабистони чемпионатида ўн турдан сўнг 11 очко жамғариб, 12-ўринда бормоқда.
