"Лилль" ҳужумчиси Жонатан Дэвид "Барселона"нинг потенциал трансфер мақсадларидан бири саналади.
Канадалик футболчи мавсум якунида ҳозирги жамоасини эркин агент сифатида тарк этади. Каталония гранди форвардга даъвогарлар қаторида.
Дэвид яқинда "Барса"да ўйнашни орзу қилишини тан олди, бу эса Ханс-Дитер Фликнинг жамоасига ўтиши ҳақидаги миш-мишларни кучайтирди.
Бироқ, инсайдер Фабрицио Романонинг сўзларига кўра, "Барселона" ҳозирда Дэвидни сотиб олиш устида ишламаяпти.
Роберт Левандовскининг шартномаси автоматик равишда яна бир йилга узайтирилади ва клуб мавсум охирида марказий ҳужумчи позициясини кучайтириш бўйича қарор қабул қилади.
