«Арсенал» асосий трансфер мақсадини белгилаб олди. «Transfer News Live»нинг «TEAMTalk»га таяниб хабар беришича, Лондон клуби «Ньюкасл» ҳужумчиси Александр Исак билан шартнома имзоламоқчи.
Шу билан бирга, «Ньюкасл» Доминик Калверт-Льюин ва Жонатан Дэвид номзодларини кўриб чиқиши айтилмоқда. Улардан кимдир «қарғалар»нинг ҳужум чизиғида Исакнинг ўрнини босиши мумкин. Калверт-Льюин ҳам, Дэвид ҳам ёзда эркин агент мақомини олишлари мумкин.
Шуни қўшимча қиламизки, нуфузли «Transfermarkt» портали мутахассислари Александр Исакни 75 миллион еврога баҳоламоқда. Жорий мавсумда 25 ёшли ҳужумчи 11 та ўйин ўтказиб, бешта гол урди ва шерикларига иккита голли узатмани амалга оширди.
