Аргентина терма жамоаси ЖЧ-2026 саралаш баҳсида Перуни минимал ҳисобда мағлуб этди - 1:0. Ягона гол муаллифи ҳужумчи Лаутаро Мартинес бўлди, унга Лионель Месси ассистентлик қилди.
Ўйиндан кейин «Альбиселесте» бош мураббийи Лионель Скалони матбуот анжуманига келмади. «MDZ» хабарига кўра, Скалони ошқозонидаги муаммолар туфайли ушбу тадбирни ўтказиб юборган. Натижада Аргентина терма жамоаси бош мураббийи ёрдамчиси журналистлар билан суҳбатлашди.
Ўн икки турдан сўнг Аргентина терма жамоаси КОНМEБОЛ зонасида жаҳон чемпионати саралаш турнирида пешқадамлик қилмоқда. Лионель Скалони шогирдлари 25 очко жамғарди.
