Бир ой олдин Мюнхеннинг "Бавария" клуби Александр Павловични йил охиригача йўқотгани маълум бўлганди. Бироқ, ёш футболчи яқинда сафга қайтди ва машғулотларга киришди.
Душанба кунги матбуот анжуманида "Бавария" бош мураббийи Венсан Компани Павловичнинг потенциал қайтиши ҳақидаги саволга жавоб берди.
"Унинг қачон қайтишини ҳозирча айта олмайман, биз унинг январгача қайтишини кутмагандик, аммо ҳозирча ҳаммаси кутилганидан тезроқ кетмоқда. Тиббиёт бўлими ва Павло яхши иш қилишди, лекин унга ортиқча босим ўтказмаслик керак. У формасига қайтиши керак", - деди Компани матбуот анжуманида.
26 ноябрь куни “Бавария” Чемпионлар лигасининг 5-тури доирасида “ПСЖ”ни қабул қилади.
