Карло Анчелотти ва Флорентино Перес «Реал»даги вазиятни муҳокама қилишади.

Кеча мадридликлар Чемпионлар лигасининг 5-турида «Ливерпуль»га 0:2 ҳисобида имкониятни бой беришди. Умумий босқич жадвалида «Реал» 6 очко билан 24-ўринни эгаллаб турибди.

Ла Лигада «Лос Бланкос» пешқадам «Барселона»дан 4 очко ортда қолган ҳолда иккинчи ўринда бормоқда.

«Marca» хабарига кўра, «Реал Мадрид» бош мураббийи ва президенти «Хетафе» билан ўйин олдидан учрашиб, амалга оширилган ишлар ҳақида ўз фикрлари билан ўртоқлашади. Қолаверса, клуб раҳбарияти Анчелоттига қанчалик ишониши ойдинлашади - аввалроқ мураббийнинг позицияси ҳеч қандай савол туғдирмасди.

Қайд этилишича, италиялик мутахассис «бу вазифа қанчалик қийин эканини тушуниб турганига қарамай, ўзини кучли ҳис қилмоқда ва вазиятни яхши томонга ўзгартиришга интилади». У ўз футболчиларига ишонади.

Мадридликлар жамоанинг ёмон натижаларидан афсусда, аммо ёзги трансфер ойнасида етарлича фаоллик кўрсата олмагани нотўғри эканини тушуна бошлади.