«Ан-Наср» ҳужумчиси Криштиану Роналду 2034 йилги жаҳон чемпионати Саудия Арабистонида ўтказилишини қўллаб-қувватлади. Юлдуз футболчи махсус тадбирга ташриф буюриб, ўн йилдан сўнг жаҳон чемпионатида иштирок этишни орзу қилаётган болалар билан суҳбатлашди.
«Саудия Арабистонининг 2034 йилга мўлжалланган аризаси кўплаб ёш футболчиларни «Биргаликда ўсяпмиз» шиори билан илҳомлантирмоқда. 2034 йилда Саудия Арабистонида бутун дунёни кутиб олишни орзу қилаётган бу болаларнинг баъзилари билан танишиш жуда ёқимли бўлди», - деб ёзди Роналдунинг ўзи ижтимоий тармоқларда.
