Бильбаонинг "Атлетик" клуби вингери, 22 ёшли Нико Уильямс ёзги трансфер ойнасида "Барселона"га ўтмоқчи. Бу ҳақда Sport.es журналисти Тони Хуанмарти хабар бермоқда.
Манба берган хабарга кўра, Уильямс Каталония клуби раҳбариятига улар сафига ўтишга тайёрлигини айтган.
Эслатиб ўтамиз, жорий мавсум бошланишидан аввал "Барселона" вингерга трансфер таклифи билан чиққан, бироқ у "Атлетик"да қолишни истаётганини айтиб, буни рад этганди.
Эслатиб ўтамиз, Уильямс "Атлетик" сафида 2021 йилнинг июлидан буён ўйнамоқда. Футболчининг клуб билан амалдаги шартномаси 2027 йилнинг июнь ойи охиригача амал қилади. Transfermarkt маълумотларига кўра, вингернинг нархи 70 миллион евро.
