"Штутгарт" ўзининг иқтидорли ҳужумчиси Жейми Левелинг билан шартномани узайтиришга яқин турибди.
Журналист Флориан Плеттенберг хабарига кўра, 23 ёшли германиялик футболчи клуб билан амалдаги шартномасини яна бир йилга, яъни 2029 йилгача узайтиришга рози бўлган. Левелингнинг шахсий шартнома шартлари яхшиланади, бу эса уни келажакда жамоанинг энг кўп маош олувчи футболчиларидан бирига айлантириши мумкин.
Аввалроқ Жейми Левелинг келаси ёзда жамоани тарк этиши мумкинлиги ҳақида хабар берилганди.
Жорий мавсумда 23 ёшли Жейми Левелинг “Штутгарт” сафида барча турнирлар доирасида 15 та ўйинда иштирок этиб, битта гол ва иккита голли узатмага муаллифлик қилган.
