«Челси» етакчиси ва асосий юлдузи Коул Палмернинг нархи 40 миллион еврога ошди, дея хабар беради «Transfermarkt» нархлар янгиланишидан кейин. Шу тариқа, инглиз футболчиси сўнгги янгиланиш натижасида Премьер-лиганинг энг нархи кўтарилган футболчисига айланди.
Иккинчи ўринни «Арсенал»нинг ёш юлдузи Итан Нванери ва «Астон Вилла»нинг 22 ёшли ҳужумчиси Морган Рожерс бўлишди. Иккала футболчининг ҳам аввалги қийматига 18 миллион евро қўшилди.
Учинчи ўрин эса яна бир иқтидорли футболчи «Саутгемптон» футболчиси Тайлер Диблингга насиб этди. У ўзининг аввалги қийматига 17 миллион евро қўшди.
