17 декабрга ўтар кечаси Украина терма жамоаси ва Лондоннинг “Челси” клубининг 23 ёшли вингери Михаил Мудрикнинг допинг-тестдан ижобий ўтгани ҳақида маълумот пайдо бўлди. Ҳозирча футболчи ва унинг вакилларидан бунга ҳеч қандай муносабат билдирилмаган.
Бироқ, бу янгилик интернетда пайдо бўлганидан сўнг, Мудрик ижтимоий тармоқлардан бирида ўз постларига изоҳ бериш имкониятини ўчириб қўйди.
Мудрик октябрь ойида допинг-тестдан ижобий ўтгани аввалроқ хабар қилинганди. Футболчининг “А” намунасида тақиқланган модда топилди. “Б” намунаси яқин кунларда очилиши кутилмоқда. Агар такрорий тест ижобий натижа берса, футболчи тўрт йилгача дисквалификация қилиниши мумкин.
