"Монако" ҳимоячиси Кайо Энрике фаолиятини "Барселона"да давом эттириши мумкин. Бу ҳақда Diario AS хабар берди.
Манба берган хабарга кўра, январь ойида "Монако"ни тарк этишни режалаштираётган 27 ёшли бразилиялик футболчига каталонияликлар клуби қизиқиш билдирмоқда.
Таъкидланишича, "Барселона" Энрикени сотиб олиш опсияси билан ижарага олиши мумкин. Клуб футболчига қизиқиши ҳақидаги миш-мишлар 2023 йилда бошланган.
Жорий мавсумда ҳимоячи барча мусобақаларда 16 та учрашувда майдонга тушиб, битта голли узатмани амалга оширган.













