Мадриднинг “Атлетико” клуби бош мураббийи Диего Симеоне Испания чемпионатининг 18-тур учрашуви олдидан “Барселона” ярим ҳимоячиси Ламин Ямалнинг жароҳати ҳақида гапирди.
"У ажойиб футболчи, у ақл бовар қилмайдиган даражада ўсди, ҳужумда энг яхшилардан бири. "Барселона"да ҳозир ўхшаш хусусиятларга эга футболчилар йўқ, лекин уларда Ферран Торрес, Ольмо, Фермин Лопес бор... Улар гол сари бошқа йўл излаб ўйнашга тўғри келади", - дея Симеоненинг сўзларини келтиради AS.
17 ёшли Ламин Ямал 15 декабрь куни Испания чемпионатининг 17-туридан ўрин олган "Леганес"га (0:1) қарши ўйинда тўпиғидан жароҳат олган эди.
