"Манчестер Сити" бош мураббийи Хосеп Гвардиола январь ойидаги харидлар ҳақида гапирди.
Мавсумнинг биринчи ярмида "шаҳарликлар" омадсизликка учраяпти, шу боис кўплаб миш-мишларга кўра, январь ойидаёқ таркибни жиддий равишда кучайтиришга ҳаракат қилишади.
"Биз ҳеч қачон қишки трансферларнинг ашаддий мухлислари бўлмаганмиз, аммо бу мавсумда биз алоҳида вазиятларга дуч келдик. Агар иложи бўлса, биз бозорда бирор нарса қилишимиз кераклигини тушунишимиз керак. Агар йўқ бўлса, ёзгача кутамиз.
Бу осон эмас. Клублар ўйинчиларни [январда] сотишни хоҳламайдилар, улар жуда қиммат бўлиши мумкин, шунинг учун ҳаммаси бозор шароитига боғлиқ. Кўрамиз",- дея Гвардиоланинг сўзларини келтиради City Xtra.
