“Ювентус” ҳимоячиси Данило январда жамоани тарк этиши мумкин.
Футболчининг ўзи қишда кетишни истамаслигини ва ҳеч бўлмаганда мавсум охиригача ўйнаш ниятида эканлигини тан олди, аммо вазият ноаниқлигича қолмоқда.
Журналист Николо Скиранинг янгиланган маълумотларига кўра, "Ювентус" бразилияликни дахлсиз деб ҳисобламайди.
Бош мураббий Тьяго Мотта лойиҳадаги муҳим фигуралар қаторида жамоа сардорини кўрмаяпти. Кўринишидан, 33 ёшли футболчи "кекса синёра" сафини мавсум якунида, шартномаси тугагач, тарк этади, аммо январда ажралиш варианти ҳам истисно қилинмаган.
"Наполи" Данилони ўзининг асосий трансфер мақсади деб билади, бироқ "Ювентус" неаполликларнинг қизиқиши ҳақидаги маълумотни рад этди.
