"Арсенал" 2025 йилнинг қишида янги марказий ҳужумчи билан шартнома имзоламоқчи, деб хабар беради «talkSPORT».
Аввалроқ Микель Артета шогирдлари "Ньюкасл"дан швециялик Александр Исак ёки "Спортинг"дан Виктор Дьёкерешни қўлга киритишни исташаётгани ҳақида хабарлар чиққанди, аммо уларнинг ҳеч бири "Арсенал"га ўтишни истамаяпти. 25 ёшли Исак "Барселона"га ўтишни ўйламоқда, 26 ёшли Дьёкереш эса ўзининг эски мураббийи Рубен Аморим билан "Манчестер Юнайтед"да қайтадан учрашмоқчи.
Шу тариқа, "канонирлар" эътиборини "Аталанта" ҳужумчиси Матео Ретегига қаратди. Қолаверса, лондонликлар скаутлари 25 ёшли италияликни Чемпионлар лигаси доирасидаги "Янг Бойз"га қарши ўйинда Матео дубль қайд этганида аллақачон томоша қилган эди.
Ретеги 2024 йил август ойидан бери бергамоликлар сафида тўп тепмоқда, ўшанда у "Женоа"дан 22 миллион евро эвазига кўчиб ўтган. Бунгача у фақат Аргентина клубларида ўйнаган. Жорий мавсумда Матео клуб ва Италия терма жамоаси сафида 31 та ўйинда майдонга тушиб, 16 та гол урди ва 5 та голли узатмани амалга оширди.
