"Манчестер Юнайтед" устози Рубен Аморим "Ньюкасл"га (0:2) қарши ўйиннинг 34-дақиқасида Жошуа Зиркзеени нега алмаштиргани ҳақида гапирди.
Нидерландиялик форвард майдондаги ўрнини ярим ҳимоячи Кобби Майнуга бўшатиб берди.
"Мен жамоанинг қийналаётганини кўрдим ва тўпга кўпроқ эгалик қилишимиз учун бизга бошқа ярим ҳимоячи керак эди.
Жошуани ўзгартириш мен учун жуда қийин бўлди. Мен у билан гаплашдим, бу фикрни унга етказишим керак эди.
Жош яхши йигит. Ҳаёт шундай, биз уни қўллаб-қувватлашда давом этамиз. "Ньюкасл бугун "Манчестер Юнайтед"ни мағлуб этди, аммо Зиркзее мағлуб бўлмади", деди Аморим.
