"Милан" бош мураббийи Сержиу Консейсау ўзининг юмшоқ ёндашуви билан машҳур эмаслигини тан олди.

Жума куни бўлиб ўтган Италия Суперкубоги ярим финал учрашувида "россонерилар" "Ювентус" устидан қийин ғалабага эришди (2:1). Бу ўйин Консейсаунинг жамоа бошқарувидаги дебюти бўлди.

"Баъзида футболчиларга яхши сўз керак, лекин баъзида қаттиққўллик ҳам керак. Ростини айтсам, юмшоқ гапирадиган мураббий эмасман. Футболчиларни қучоқлаб, олқишлашни ёқтирадиганлардан эмасман. Дунёдаги ҳамма нарсадан кўра мен ғазабланишга кўпроқ моилман.

Жамоа менинг хабаримни тушунганидан хурсандман. Мен кўп табассум қиладиган мураббий эмасман, лекин дўстлар орттириш учун келганим йўқ. Мен ғалаба қозониш учун келдим", деди Консейсау.