Неймарнинг "Ал-Ҳилол"даги келажаги ноаниқлигича қолмоқда. Қанот ҳужумчиси Саудия клубини тарк этиши эҳтимоли бор. Шу фонда хакерлар фаоллашиб, Неймарнинг сохта трансферини амалга оширишга қарор қилишди.

Хуллас, бир кун аввал Бразилия "B" сериясидаги "Куритиба" жамоасининг расмий сайти "Барселона"нинг собиқ юлдузи трансферини эълон қилди. Жуда ишонарли матнга эга янгилик нашр этилди. Айрим мухлислар бундай кутилмаган трансферга ишонишди.

Бироқ кейинроқ клуб ўз сайти хакерлик ҳужумига учрагани ҳақида хабар берди. Албатта, Неймар бўйича реал келишувлар бўлмаган.