"Манчестер Юнайтед" ёш ҳимоячи Лени Йородан мамнун. Журналист Фабрицио Романонинг ёзишича, клубнинг янги бош мураббийи Рубен Аморим ва унинг мураббийлар штаби футболчидан қойил қолишган.
Португалиялик мутахассис жароҳат туфайли узоқ вақт майдонга туша олмаганидан сўнг, ҳимоячини ўйин вақтини ортиқча юкламасдан, аста-секин таркибга киритмоқчи. Қайд этилишича, Йоро клубнинг дахлсиз футболчиларидан бири ҳисобланади.
19 ёшли франциялик футболчи жорий мавсумда клубнинг 8 та ўйинида қатнашди. Йоронинг манкунианликлар билан шартномаси 2029 йилнинг 30 июнига қадар амал қилади.
